Ish-guvernatori i Kalifornisë dhe aktori i njohur hollivudian, Arnold Schwarzenegger, i është bashkuar zërit kritik ndaj presidentit amerikan Donald Trump, pas takimit të këtij të fundit me homologun rus Vladimir Putin në samitin e Alaskës.
Në një reagim publik, Schwarzenegger e cilësoi Trump si një ‘fans të Putinit’, duke shtuar se sjellja e tij në konferencën e përbashkët ishte e ‘sikletshme’.
“President Trump, sapo pashë konferencën për shtyp me Vladimir Putin dhe ishte e turpshme. Ti ishe aty si një makaronë e bardhë, si një fans i tij. Po pyesja veten se kur do t’i kërkoje një autograf,” tha ai me ironi.
Duke e krahasuar me qëndrimet e forta të ish-presidentit Ronald Reagan, Schwarzenegger i kujtoi Trumpit momentin historik kur Reagan i kërkoi Mihail Gorbaçovit të rrëzonte murin e Berlinit.
“Ti je president i Shteteve të Bashkuara, nuk duhet të sillesh kështu. Ku shkoi forca e Ronald Reaganit kur i tha Gorbaçovit ‘Rrëzo murin e Berlinit’?”, shtoi ai.
