Presidenti amerikan, Donald Trump, ka mbërritur me ‘Air Force One’ në bazën ushtarake Elmendorf–Richardson në Alaskë, për takimin e rëndësishëm me presidentin rus, Vladimir Putin.
Sipas Sky News, Trump ka arritur në bazën ushtarake përpara Putinit. Ndërkohë, një avion i qeverisë ruse është ulur gjithashtu në Alaskë, sipas të dhënave të sistemit të monitorimit të fluturimeve Flightradar24.
Ende nuk është konfirmuar nëse Putin ndodhej në bordin e tij. Avioni rus ishte nisur nga qyteti Magadan, në Lindjen e Largët të Rusisë, ku presidenti rus kishte qëndruar më herët gjatë ditës.
